ಬೆಂದ ಕಾಳು ಆನ್ ಟೋಸ್ಟ್

ಶ್ರೀ ಗಿರೀಶ ಕಾರ್ನಾಡರು ಇಪ್ಪತ್ತೊಂದನೆಯ ಶತಮಾನದ ಪಟ್ಟಣದ ಬದುಕನ್ನು ಎಲ್ಲ ಸ್ತರಗಳಲ್ಲಿ ಹಿಡಿದು ಕಣ್ಣೆದುರು ನಿಲ್ಲಿಸಿದ್ದಾರೆ. ಅವರ ಈ ನಾಟಕ ಸಮಾಕಾಲೀನತೆಯ ಹೊಸ ಸಂವೇದನೆಯನ್ನು ಪರಸ್ಪರ ಅವಲಂಬಿ ಜೀವನದ ಹಿನ್ನೆಲೆಯಲ್ಲಿ ತಮ್ಮ ಜೀವನಗಳನ್ನು ಮೇಲಕ್ಕೆತ್ತರಿಸುವ ಪ್ರಯತ್ನಗಳನ್ನು ಬಿಂಬಿಸುತ್ತದೆ. ಪ್ರಾಮಾಣಿಕತೆಯ ಮುಖವಾಡದಲ್ಲಿ ಹಳ್ಳಿಯಿಂದ ಬಂದವರು ಹೇಗೆ ಪಟ್ಟಣದ ದ್ವಿಮುಖ ಜೀವನಕ್ಕೆ ಹೊಂದಿಕೊಳ್ಳುವದರ ಜೊತೆಗೆ ಅವರನ್ನು ತೋರಿಸುವ ಪರಿಣತಿಯನ್ನು ಹೊಂದಬಲ್ಲರು ಎಂಬುದಕ್ಕೆ ಈ ನಾಟಕದಲ್ಲಿಯ ಪಾತ್ರಗಳೇ ಸಾಕ್ಷಿ. ಈ ನಾಟಕದ ಮೂಲಕ ಶ್ರೀ ಗಿರೀಶರು ಇಂದಿನ ನಗರವಾಸಿಗಳ ಪಾಡನ್ನು ಮನೋಜ್ಞವಾಗಿ ನಿರೂಪಿಸಿದ್ದಾರೆ. ಪರಸ್ಪರ ಅವಲಂಬನೆಯ ಜೋತೆಗೇ ಪರಸ್ಪರ ನಂಬಿಕೆ ಅಪನಂಬಿಕೆಗಳನ್ನು ಕಣ್ಣಮುಚ್ಚಾಲೆಯಂತೆ ತೋರಿಸುವ ಈ ನಾಟಕ ವಾಸ್ತವ ಜಗತ್ತಿನ ಕನ್ನಡಿಯಂತಿದೆ.